Laga bilaabo 15ka Juun, dadka Jarmalka, Icelanders iyo Noorwiijiyaanka ayaa mar kale xadka u gudbi kara Danmark.
Sidaas waxa shir jaraaid ku sheegtay raisalwasaaraha Denmark Mette Frederiksen (S)
oo ay weheliyaan Wasiirka Caafimaadka, Wasiirka Arimaha Dibadda iyo Wasiirka Caddaaladda.
Si kastaba ha ahaatee waxay ku qasban tahay xannibaadaha qaarkood
– “Dalxiisayaashu waa inay diiwaangeliyaan, inay ballansadeen joogitaan ka baxsan Kobanheegan, ugu yaraan lix habeen huteel, xerooyin ama wixii la mid ah” ayay tidhi Mette Frederiksen Raisal Wasaaraha dalka Demark
Kobanheegan waa meesha ugu badan ee dadku ku bukoodo. Sidaa daraadeed, dawladdu uma oggolaaneyso dalxiisayaasha inay ku hoydaan caasimadda – ama Frederiksberg.
-“Waxaad tegi kartaan Kobanheegan oo aad ka cunteyn kartaa makhaayad, laakiin waa inaad habeen kale qaadataa, ayuu yidhi wasiirka caafimaadka Magnus Heunicke (S).
Wadamada kale waa inay sugaan
Dowladdu si tartiib tartiib ah ayey dibedda ugu furi doontaa. Kaliya xagaaga ka dib dawladda ayaa eegi doonta inay furto dalal dheeri ah.
” Dhanka kale xagaaga, waxaan filaynaa in aanu u furno waddamada kale ee Schengen iyo Boqortooyada Ingiriiska” ayay tidhi raisalwasaaraha Mette Frederiksen.
Xuduuda ay la wadaagto Sweden qaasatan waxay xudun u ahayd dooda ku saabsan furitaanka xuduuda, laakiin dalxiisayaasha iswiidhishka ah waa inay in yar sugaan.
– Danmark iyo Sweden ayaa leh xidhiidh dhow, sidaas ayaanu mustaqbalka yeelan doonnaa. Deenishka iyo iswiidhishka ayaa leh qoys, macaan iyo guryo fasax ah oo ku yaal xadka, ayuu yidhi raisalwasaaruhu.
Weli wax war ah lagama soo saarin xilliga ay Iswidishku mar kale imaan karaan Danmark.
-“Wali wax heshiis ah lama gaarin. Waxaan si xoogan u rabnaa dowladda deenishka inay xal u raadiso deriskeena Sweden. Tusaale ahaan, waxay noqon kartaa xalka gobolka” ayay tidhi.
Tartiib tartiib, furitaanka xadka la xakameeyay
Raiisel wasaaraha ayaa ku adkaysanaysa in furitaanka xuduudaha ay tahay inaysan deg deg aheyn. Waxay ku tilmaamtay xaaladda Kuuriyada Koofureed tusaale ahaan waddan oo ay ahayd in ay mar kale xidho sababta oo ah infekshankii ayaa mar kale ku soo booday.
” Haddii tani ka dhacdo Danmark, waxa laga yaabaa inaan dib u soo saarno qaar ka mid ah xannibaadaha, bulsho ahaan ayaanu u qaadnay” ayay tidhi.
-“Waxaan rabnaa, inaanu ku nuuxnuuxno, in aannu furno Danmark tallaabo tallaabo, si aannu ula soconno horumarka”
Xuduudaha waxa la xirey ilaa iyo 14-kii Maarso, si loo yareeyo faafitaanka coronavirus.
Kilde: DR.dk